Left 繼續購物
你的訂單

購物車內沒有產品

常溫貨品滿$300免運 | 冷凍貨品滿$400免運
秋天潤喉唔只飲湯水 本地種植果醬方便又健康 ︳有營零蜜

秋天潤喉唔只飲湯水 本地種植果醬方便又健康 ︳有營零蜜

秋風起,除左皮膚乾燥,連喉嚨都特別乾,容易乾咳,好自然飲好多水,但好似飲極都唔夠滋潤,要飲d咩先好呢?坊間就介紹唔同水,例如雪梨湯可以舒緩轉季氣管敏感。但小零蜜同好多香港人一樣,冇時間煲水飲,所以飲沖劑就最方便又好飲。同時都可以食多啲生果,不過有時放工連超市都收埋,又或者d生果已經買唔落手,咁點算好呢?小零蜜今次搵到寶,重要係香港本土正貨,香港人撐香港貨嘛!今次私心推介 LoCoFARMS 本地種植 嘅自家製作 醬料,100% 採用香港種植嘅原材料,全程於香港製造。最後以簡單清新嘅六角形玻璃樽包裝,用黎送禮定自用都開心。用果醬加水沖調,即可調製滋潤水果茶,即刻同大家介紹適合秋冬飲用嘅產品啦!

你會喜歡:秋天到啦~食蕃薯調理脾胃 ︳有營零蜜

LoCoFARMS 本地種植

 圖片來源:LoCoFARMS Facebook

LoCoFARMS 本地種植

圖片來源:LoCoFARMS Facebook

大家一齊黎支持下本地高質食材啦!

LoCoFARMS 本地種植 粒粒冬瓜露 菠蘿及薑風味

本地種植 - 粒粒冬瓜露 菠蘿及薑風味

採用荔枝窩有機出產嘅新鮮大冬瓜,唔會有陣草青味,瓜味清新濃郁。配搭唔同風味嘅材料,例如菠蘿、黑、本地肉薑等煮超過3個鐘,味道清甜芳香,冬瓜粒粒爽滑軟糯,菠蘿口味酸甜爽利,配搭薑香層次豐富,用黎沖水飲潤喉保暖。

立即購買本地種植 - 粒粒冬瓜露 菠蘿及薑風味

LoCoFARMS 本地種植 粒粒冬瓜露 無花果葉及檸檬風味

本地種植 - 粒粒冬瓜露 無花果葉及檸檬風味

除咗由清新冬瓜製造,仲加入左有機種植無花果葉同檸檬,令香氣柔和清新。無花果葉有清濕熱同消腫止痛嘅功效,加埋冬瓜潤肺生津最岩秋天飲。用黎沖水好潤喉,夏天雪凍飲仲係消暑良品,或者當作果醬,直接加喺餅乾或麵包食,一樣咁好味!

立即購買本地種植 - 粒粒冬瓜露 無花果葉及檸檬風味

LoCoFARMS本地種植 金無花果檸檬果醬

本地種植 - 金無花果檸檬果醬

哩款係今年新產品!由坪輋有心機農場種植嘅金無花果製造,金無花果皮薄、味道清甜,果肉較結實,仲可以養顏美容同調理腸道。再配合上水孖記農場嘅香水檸檬,淡淡天然柑橘味道,兩種水果混合令果香濃郁,同時甜而不膩。用黎沖飲或者點包食一流,女士飲多d,人都靚d。

立即購買本地種植 - 金無花果檸檬果醬

LoCoFARMS本地種植 紫蘇香茅清燉檸檬
 

本地種植 - 紫蘇香茅清燉檸檬

紫蘇可散寒,清痰利肺,最岩秋冬天食用,配搭檸檬同香茅以冰糖慢火燉,清香滋潤。秋冬加一湯匙落熱水到焗5分鐘,潤喉䁔心。夏天加冰梳打水,清爽解渴。甚至可以加入啤酒飲變做甜甜檸檬啤酒,女士就容易入口。清燉檸檬片仲可以直接食用,當小食食味道濃郁又健康。

立即購買本地種植 - 紫蘇香茅清燉檸檬

LoCoFARMS本地種植 雙薑黃金醬

本地種植 - 雙薑黃金醬

LoCoFARMS除咗有果醬沖水飲,仲有以醬料用黎煮食。人手嚴選荔枝窩有機生產嘅火薑、柔滑薑黃粉同香茅,再以優質有機生茶油烹調,味道非常特別。山茶油含豐富不飽和脂肪酸,冒煙點高,所以係烹調過程可以保留營養。微辣味道層次豐富,只需要加入少少黎調味已經齒頰留香,用黎拌麵/飯、醃肉、炒菜等一流。

立即購買本地種植 - 雙薑黃金醬

 

人氣熱話:日清杯麵大揭袐 一個合味道誕生要幾耐? ︳潮飲潮食

同場加映:梅酒知多少-本格梅酒同普通梅酒有咩分別?|潮飲潮食