日本奇趣汽水 綠茶可樂飲過未？︳潮飲潮食
日本人嘅創意經常令人嘆為觀止，佢地除咗成日發明出好多方便人類生活又實用美觀嘅日常小物，仲創造出唔同特別口味嘅食物，永遠帶比人無盡嘅新鮮感，真係好佩服佢哋嘅智慧。小零蜜最近發現日本木村飲料有出奇口味嘅汽水，膽粗粗咁試飲咗，覺得好飲又新鮮，即刻推薦比大家，挑戰下味蕾新體驗！
日本第一特色飲料品牌–木村飲料
鍾意去日本嘅朋友，應該都聽過日本第一特色飲料品牌–木村飲料，使用靜岡縣原材料造出別具當地特色嘅飲品，多種口味都獨一無二，例如佢曾推出過鰻魚可樂、咖哩麵包梳打、味噌可樂、番茄汽水等。除咗汽水味道有趣又好飲之外，佢哋嘅包裝都好「高顏值」，玻璃樽加上和風圖案，好似一支充滿玩味又滿滿日式風味嘅酒樽咁，飲完一定要好好收藏。
圖片來源: 八佰屋mall
圖片來源: 自由時報
 |
木村飲料 - 靜岡可樂可樂就飲得多，靜岡綠茶加可樂試過未呢? 聽落已經覺得好新奇，見埋個飲品顏色係綠色，一D都唔似可樂，感覺好似好伏咁。但飲落又出奇合拍，入口可樂味道較重，可樂甜味中帶住淡淡綠茶香，落喉仲有綠茶回甘味，感覺好清新。 |
 |
木村飲料 - 富士山頂可樂唔知富士山頂係咩味呢? 哩隻可樂加入咗富士山天然水，飲落冇一般可樂咁多氣，仲冇咁甜，口感非常清爽，好特別嘅味道，透明柔滑嘅口感就好似富士山頂上清澈空氣咁。飲咗就似去咗日本富士山咁正！ |
|
木村飲料 - 富士山汽水使用獲得Monde Selection最高金賞嘅「富士山萬年水」造汽水基底，加上獨特嘅碳酸製造技術，令甜味自然同控制喺一定水準，甜而不膩，飲落仲特別暢快，有D似彈珠汽水或者雪糕汽水嘅口感。仲要和風設計嘅玻璃樽好吸睛，飲完一定要擺靚！ |
|
木村飲料 - 靜岡柑橘汽水使用香甜可口嘅日本靜岡縣產溫州柑橘，令汽水多一份清爽口感，仲聞到清新果香。汽水加入咗柑橘果粒增加口感，酸甜滋味令人一啖接一啖，停唔到口。夏天雪凍飲一流，用佢嚟溝酒飲，好似飲果汁酒咁，別有一番風味！ |
 |
木村飲料 - 山梨葡萄蘋果汽水木村飲料除咗特別口味嘅汽水廣受歡迎外，佢嘅水果味汽水亦非常暢銷。選用靜岡縣產嘅提子，一打開就聞到濃濃提子香，提子自然甘甜，同清爽暢快嘅碳酸飲品配搭，微酸微甜滋味滿分，清爽可口，仲有令人耳目一新嘅餘味。 |
飲汽水配香脆零食：「煎餅」「米餅」原來係唔同! 仙貝又係咩黎?｜蜜蜜開箱