日本期間限定ROYCE'櫻花朱古力 Yoku Moku夾心餅乾

粉色同奶白色形成夢幻色彩，仲有兩種口味。粉色係帶有櫻花同士多啤梨味，果味同花香非常夾。而白朱古力就品嘗到櫻花原汁原味。內有大大粒杏仁，香甜朱古力融落脆口杏仁粒，口感更有層次。

立即購買ROYCE' - 櫻花杏仁朱古力脆球

見到一大片櫻花粉色朱古力磚，已經想大大啖咬落去！香甜白朱古力加入櫻花同士多啤梨，內裡仲有獨特櫻桃乾融合堅果甘甜，酸甜爽口，滿滿配料，又脆又軟嘅口感，豐富味道，層層分明，果香同花香完美融合，令人食唔停口。

日本殿堂級高級朱古力ROYCE'，加入日本春天有名櫻花，兩者夾出新滋味。精緻薄薄朱古力散發著櫻花同士多啤梨香氣，內有流心櫻桃醬，酸甜搭配，濃稠醬從內裡流出中和朱古力香甜味，春日粉嫩顏色見到都心心眼。

Yoku Moku 唔只雪茄蛋捲好出名，佢嘅曲奇更係信心保証！最近新出櫻花味曲奇，包裝優雅討好，味道亦係高級滋味。由兩層薄脆曲奇餅乾，中間夾著櫻花風味朱古力餡料，口感清新怡人，香甜而不膩。

圓鐵罐包裝大方得體，一打開蓋，就餅乾好似櫻花盛放咁擺放，一定要打卡完先食，食完仲可以留低做收納。淺粉餅乾酥脆口感，仲散發陣陣櫻花香氣，仲要有白朱古力夾心，香甜味融化少女心，有入口即化嘅口感。