日本清酒入門班--酒標解讀大公開 ︳潮飲潮食

一枝酒嘅酒標，除咗靚唔靚之外，其實仲係每支酒嘅身份證！平時買清酒時都係靠估？覺得好多日文睇唔明，見包裝靚就買呢？小零蜜好想睇得明，咁就可以揀啱自己口味喇⋯哦！原來睇清酒酒標都可以幫手揀酒，唔識日文都冇問題！即刻嚟上個酒標速成班啦！

1. 原材料多

清酒主分兩種--「純米」酒同加入蒸餾酒，亦再有分級別，若有其他添加物都會喺酒標標示。

同場加映：
按此再睇 清酒配美食人氣推薦 一文學識日本Sake種類｜潮飲潮食

2. 精米步合

指釀造嘅米被磨去後剩低嘅百分比。精米步合40%即磨走60%表面。清酒嘅等級都會以哩項嚟評級。

3. 酒精濃度

酒精濃度必須唔超過 22 度先會可以叫做清酒，超過 22 度就被視為利口酒或者雜酒。

4. 日本酒度

日本酒度指酒中所含嘅糖分。其定義係是於15℃ 嘅日本酒同 4℃跟水比較，密度較高還是低。若是正號 (＋) 即比水輕 (糖比水重，愈多愈重，反之亦然) 代表味道辛口 (糖份較少)，數字越高代表越辣喉；負號(－)則表示味道係甘口型 (糖份較高，所以比水重)，味道會較甜。

5. 酸度

清酒會加入各種酸，如乳酸、琥珀酸、蘋果酸等。如果酸度越高，口感較濃醇辛口; 酸度低則酒感覺較淡麗甘甜。酸度亦是平衡甜度的指標，不同高低甜度酯度的組合，帶出不同風味。遇上喜歡味道的清酒，不妨記似酒度和酸度，下次揀酒時就更易搵到啱心水嘅清酒。

6. 使用酵母

酵母嘅多少會影響酒嘅香氣，分類較複雜。如標示數字即由日本釀造協會研製，6號指「新政酵母」，取自秋田縣「新政酒造」，係目前最古老嘅酵母，適合低溫長期發酵。

7. 釀造年份

顧名思義即係邊一年開釀造酒，會標示為 BY（Brewery Year）。有D清酒嘅釀造年份唔係寫一般年期，而係標示平成年份(從每年7月1日到隔年6月30日為一年) ，例如標示為平成 26BY，代表酒係平成二十六（2014年）年七月到平成二十七（2015）年六月之間釀造。
 

即刻買支清酒跟住學睇酒標

	梵 - 特撰純米大吟醸 (三割八分) (酒精 16%) 375ml 淡淡苦澀味層次多變，釀製嘅酒桶特別設計，令三層水循環流動，仿效冬天環境時平穩嘅溫度變化，係零度環境都可熟成兩年或以上。 購買梵 - 特撰純米大吟醸
	寶酒造 澪 - 氣泡清酒  300ml (酒精 5%)   獨一無二嘅甘醇口感，入喉後散發微酸清甜，無添加醣類同酸味料，帶有清爽甜美果香，顛覆傳統清酒形象。 購買澪 - 氣泡清酒
	久保田 雪峰大吟釀 (酒精14%) 500ml 原料米係嚴冬進行低溫發酵同冰溫儲藏，所以以雪峰命名。唔單止可以維持清爽口感，仲令酒中散發出麝香葡萄同蜜瓜嘅香味，酸甜適度，同時瀰漫著淡淡米香。 購買久保田 雪峰大吟釀