常溫貨品滿$300免運 | 冷凍貨品滿$500免運
烏冬都叮得! 日本國麵有趣事件簿|潮飲潮食

烏冬都叮得! 日本國麵有趣事件簿|潮飲潮食

烏冬唔單止係日本人嘅必食美食,好多香港人都非常鍾情哩種白滑煙韌嘅麵條。哩種看似平平無奇嘅麵但一D都唔平凡,仲有好多故仔聽,即刻聽下烏冬奇趣故啦~~

神聖嘅「國麵」

日本係麵條之國,拉麵、蕎麥麵、烏冬、素面等各式麵條都深受全球人喜愛,但咁多種麵入面,屬於日本真正嘅「國麵」原來係烏冬呀!

 

日本小麥種植唔多,因此當地原本唔多麵食,其後受到西方國家同中國影響而開始麵食文化,而烏冬做法簡單又滑口易飽,只需小麥粉加上鹽水揉出,再切細長條狀用熱水燙加入醬油就完成,據說烏冬亦方便消化而聞名,因此佢係「平民恩物」,係當時麵食市場佔有率最多,到而加繼續係男女老幼都啱食嘅人氣國麵。

讚岐…稻庭…有咩分別?

讚岐烏冬係由香川縣出產,麵條呈正方形,口感較煙韌彈牙,富有彈性,喺古時屬平民美食;而稻庭烏冬則來自秋田縣,麵條呈扁長形,幼滑細膩,爽口無比,古時係供給貴族、天皇。以後就可以按照自己口味揀中意嘅烏冬喇~

讚岐烏冬較粗及彈牙。

稻庭烏冬較幼及滑口。

日本香川人究竟有幾中意烏冬?

香川縣係為全日本面積最小嘅縣,但佢係烏冬生產量同消費量全國第一,而且當地嘅烏冬店有八百幾間,隨處可見,比便利店仲多,係名副其實嘅「烏冬縣」。

當地烏冬款式多樣,有咖啡烏冬、乾撈烏冬、仲有自助式烏龍店,自選食材。最最最特色嘅係烏冬雪糕!! 雪糕上淋上烏冬醬汁,再配上蔥花。Woo ~~食落去有凍烏冬感覺,鹹甜味道完美融合!

圖片來源: OpenRice Travel

除左隨處可見烏冬店,喺馬路上仲會見到烏冬的士同烏冬巴士添呀! 烏冬巴士除左精選左多間人氣烏冬名店外,仲會帶旅客去香川縣知名景點,一大班friend最啱book一架玩一日。而烏冬的士就可以帶比你貼心服務,的士司機係非一般司機,佢地要非常熟悉烏冬,仲識得整好味嘅烏冬,考哩個司機牌真係過五關斬六丈!

香川縣的烏冬巴士 

圖片來源: za 誌

香川縣的烏冬的士

圖片來源: Line Today

急凍烏冬一叮就食得?

日本最近有隻烏冬成為超市必選!! 唔好睇佢同普通烏冬差唔多樣,但其實佢嘅特別之處就係只要放入微波爐叮大概3分鐘就食得!! 吓? 烏冬都可以叮 ?? 唔單止可以即叮就熟,仲要唔洗解凍,食落仲好有咬口同滑身,唔怕叮完會太乾,保持烏冬質感。好食又勁方便,唔怪得之好評多多! 即刻叮返個再撈雞蛋同鼓油先。

立即購買: https://bit.ly/3mw2cB9