Left 繼續購物
你的訂單

購物車內沒有產品

常溫貨品滿$300免運 | 冷凍貨品滿$400免運
芝士控必食!!點止日本芝士餅乾  精選推介多款芝士零食|潮飲潮食

芝士控必食!!點止日本芝士餅乾 精選推介多款芝士零食|潮飲潮食

芝士口味係零食箱內嘅人氣口味,佢嘅美味令人無法抗拒。大家多數見到嘅芝士零食都係芝士條、芝士餅乾、芝士粒,但其實佢仲可以同好多唔同食物配搭,成為大人細路都鍾意食嘅人間美食。小零蜜今日私心推介唔同款式嘅芝士味零食,除咗有嚟自香港人最愛嘅日本之外,仲有本地同韓國零食,即刻買嚟試下邊隻最深得你喜愛啦!芝士控記得要儲齊一set呀!

芝士控mark埋:芝士迷必食甜品 免焗解凍即食︳蜜蜜開箱

立即登記做會員,首次購買即減$20!!

YBC - Levain芝士夾心餅

YBC - Levain芝士夾心餅

相信無人能抗拒芝士夾心餅嘅邪惡滋味!日本YBC出品嘅芝士餅長期熱賣,芝士夾心出名香濃唔膩口,厚厚嘅餅乾鬆脆無比,餅上仲有少少鹽粒,鹹香味會令一你一塊接一塊,停唔到口!用嚟做早餐或者下午茶都一流。

 

立即購買YBC - Levain芝士夾心餅

湖池屋 - SCONE特盛四重芝士粟米條

湖池屋 - SCONE特盛四重芝士粟米條

湖池屋爆脆粟米條,勁脆口。加上特選四重芝士,一咬成口都係芝士粉。隔住個包裝都好以已經聞到陣陣芝士香咁,打開包裝見到條條金黃色芝士條,真係想成包倒入口,好食到連包裝袋嘅粉都舐乾淨。芝士控真係幸福感爆棚!

立即購買湖池屋 - SCONE特盛四重芝士粟米條

林兼産業 - 日本芝士大洋腸(38條筒裝)

林兼産業 - 日本芝士大洋腸(38條筒裝)

大洋腸係零食嘅精選之一,方便即食又唔熱氣,仲算低卡小食,係好多家長最中意買比小朋友嘅小食。日本林兼産業選用自然潔淨海域嘅深海魚製造大洋腸,魚香滿滿,口感爽滑細嫩。再加上粒粒香濃軟芝士,增加口感同香氣。仲要筒裝方便收藏,可以慢慢食。

立即購買林兼産業 - 日本芝士大洋腸(38條筒裝)

PowCook - 麻辣芝士爆谷

PowCook - 麻辣芝士爆谷

香港自家品牌PowCook爆谷推出多種獨特口味,可以挑戰你味蕾,而哩款麻辣芝士更加係熱賣口味。選用特濃車打芝士混合四川麻辣,將中西文化完美結合,麻辣味唔會搶咗芝士香味之餘,仲互將味道大大提升,辣味刺激得嚟唔會太嗆口,濃郁芝味超乎你想像。

立即購買PowCook - 麻辣芝士爆谷

REAL SHRIMP芝士醬脆蝦頭

TMG Holdings - REAL SHRIMP芝士醬脆蝦頭

韓國出品嘅脆蝦頭,用泰國鮮蝦製造,鮮味十足,炸得脆卜卜超香口,仲一d都唔油膩,蝦鬚唔會吉口,勁鬆化。加入嘅芝士味同一般芝士唔同,相對冇咁鹹,陣味仲好似龍蝦湯咁。唔好睇佢好似細細包,其實一包份量好多嫁,差唔多有60粒!用嚟配啤酒煲劇,話咁快就食晒。

立即購買TMG Holdings - REAL SHRIMP芝士醬脆蝦頭

韓國樂天 - Only Price一口脆皮迷你夾心芝士卷

韓國樂天 - Only Price一口脆皮迷你夾心芝士卷

平時食香脆零食好怕熱氣同唔健康,但哩個捲心酥鬆脆得嚟又唔熱氣,外層由21種穀物製成,內有飽滿芝士內餡,芝味無比,健康又好食,每啖鬆脆唔黏牙。建議雪凍食,冰涼夾心口感仲豐富,外脆內軟好似食緊甜品咁。以拉鏈袋設計,唔駛擔心食唔晒會變軟,可以放入雪櫃慢慢食。

立即購買韓國樂天 - Only Price一口脆皮迷你夾心芝士卷

 

芝味零食配啤酒:盤點香港最受歡迎五大啤酒品牌 ︳蜜蜜開箱

同埸加映 : 日本奇趣食品 麵包都有罐頭? ︳蜜蜜開箱