大孖醬園五十年歷史 香港製造無添加醬料｜蜜蜜開箱

哩款麻辣醬係大孖嘅必食之醬料，袐製辣椒粉再加入麻花椒製造，又麻又辣，比例均衡，先辣後麻，麻感十級而上，嘴唇徘徊於似有幻無之間，好易愈食愈上癮。仲有啖啖薑香同蒜香味，勁惹味，加入唔同餸菜上調味，令餸菜味道更有層次。

立即購買大孖 - 麻辣醬

鍾意重口味嘅人絕對唔可以錯過哩支沙爹醬，悠悠花生味中夾雜住東南亞香料味，而且特別添加魚露，令味道更突出，仲有微微辣味滲出，香濃沙爹味，勁邪惡滋味。用嚟自製燒烤串、BBQ、同打邊爐就至正。

市面上好多蝦醬都偏鹹，有時鹹味仲會蓋過蝦香味。大孖蝦醬鹽分較少，以鮮銀蝦為原料生曬發酵，以獨特配方調製出淡口味嘅蝦醬，但仍然可以保持到蝦醬獨有香味，用嚟蒸豬肉、炒通菜、煮海鮮等，特別出色。

大孖係香港老字號醬油品牌，以真材實料同承傳傳統醬油味道，必定係每家廚房必備之選。佢嘅秘撈魚蛋醬由多種食材製成，有花生、咖喱、魚露、芝麻、蒜頭、指天椒、磨豉等，多層口感，味道豐富又濃郁，入口辣味慢慢滲出，齒頰留香。除咗用嚟撈魚蛋、腸粉等，仲可以用嚟撈麵拌飯同炒菜，用法多多，令餸菜惹味可口。

好多小朋友都食唔到辣，哩款專為怕食辣嘅人而調製嘅魚蛋醬，老少咸宜，好貼心。醬味帶咖哩香，無辣味仲特別突出到花生同芝麻香，鹹中帶少少甜味，唔會過份油膩，比小朋友食就至啱！仲要無任何添加劑，不含味精、色素、增味劑、甜味劑、防腐劑，令人食得安心。