日式拉麵推介 評判屋健康減鹽版拉麵｜零蜜學廚

瀬戸内讃岐工房出品嘅龍蝦拉麵禮盒，見到個包裝已經好吸引，精緻手提包裝，送禮方便又大方。拉麵龍蝦湯底鮮味十足，仲有微微清甜味，配合彈牙爽口拉麵店嘅麵質，煮3分鐘就食得。包裝得體兼食得滋味，一舉兩得！

立即購買讃岐工房 - 伊勢龍蝦拉麵禮盒 

拉麵湯底加入水果，聽落係咪好特別呢？使用瀨戶內檸檬粉製成清爽柑橘湯，清新檸檬味令減低湯底油膩感，但同時唔會遮蓋豚骨味道。熱食的話，檸檬香氣怡人；整成冷麵，係精神爽利嘅滋味。好絕對係令人驚喜嘅味道。

屋企一定要有哩款豚骨拉麵，以豚肉熬煮嘅湯頭，香甜濃郁，再加上用蒜同埋薑嚟提味，突出湯底精華，鹽分減少 25%，鹹味啱啱好，而且少鹽食得健康d。加上口感柔軟嘅麵條，完美還原日本地道風味！

身為味噌拉麵大本營嘅北海道札幌，試過嘅就知佢嘅味噌拉麵有幾咁出色。麵條加入北海道產全粒小麥粉製造，食落口感更彈牙，更有口感。湯底加入北海道釀造嘅味噌同生薑，濃郁醇厚，溫暖滋味，滿滿日式風情。

有「拉麵王國」之稱嘅日本旭川，以醬油拉麵最著名。哩款加入北海道產全粒小麥粉製造麵條，口感彈牙爽口。使用北海道利尻昆布同原粒大豆醬油製成湯底，香濃中帶鮮味，鹹香滿分，濃郁傳統風味。喺屋企都隨時可以享用到旭川拉麵嘅滋味。