日本和樂堂芝士年糕柔軟口感拉絲長達15cm!︳潮飲潮食

要數近年日本人氣急凍甜品，一定唔少得和樂堂Omotcheese哩個品牌，佢出品嘅竹籃芝士蛋糕同芝士年糕麻糬都係暢銷之選，聽到個名已經覺得好特別同好好食咁，其中芝士年糕喺香港賣少見少。佢喺日本推出只係2個星期，就賣出超過5000盒，仲獲得北海道加工食品大賞最優秀獎受賞，究竟佢有幾特別? 煙韌年糕外皮包著濃厚北海道產芝士餡，芝士仲可以拉絲長達15cm，採用獨特製造方法令佢有柔軟口感，配上令人瞬間心動嘅芝味，一口大細，必定令人一試難忘！佢仲有其他口味，梗係要買晒嚟試，睇下有幾正啦！

你感興趣：健康鮮果汁推薦台灣樹蕃茄低卡高營養｜潮飲潮食

	和樂堂 - 芝士年糕 (原味) 勁受歡迎嘅芝士年糕，好多媒體都介紹過佢，一定要試！新鮮製作嘅麻糬，柔軟而有彈性，口中蔓延濃郁風味嘅芝士內饀，一咬拉絲極長，勁邪惡，兩者之間質感恰到好處，柔軟煙韌，做法非常創新，搭配咖啡、茶定紅酒都好夾。立即和樂堂 - 芝士年糕 (原味)
	和樂堂 - 芝士年糕 (哈密瓜味) 夏天係食哈密瓜嘅季節，將出名香甜，果肉嫩滑多汁嘅夕張蜜瓜汁加入喺嘅年糕到，估唔到係咁夾！外層口感如同啱啱出爐嘅麻糬，內有加入咗夕張蜜瓜嘅超爆芝士，啖啖清甜，好似食緊哈密瓜芝士雪糕咁正，柔軟口感令人心醉，愈食愈正。立即購買和樂堂 - 芝士年糕 (哈密瓜味)
	和樂堂 - 芝士年糕 (士多啤梨) 怕芝士年糕會好膩，哩款加入咗士多啤梨味嘅就至啱。採用日式芝士蛋糕嘅概念，但外層則改為麻糬，係非常有特色嘅甜品！唔只內裏芝士饀加入左士多啤梨，連麻糬皮都係士多啤梨味，酸甜果味中和芝士年糕嘅濟胃口感，仲有香濃士多啤梨味，聞到已經流晒口水。立即購買和樂堂 - 芝士年糕 (士多啤梨)
	和樂堂 - 芝士年糕 (朱古力味) 和樂堂芝士年糕除咗經典原味同期間限定水果味外，仲有人氣王朱古力味！軟麻糬外層加入咗可可粉，中和芝士年糕嘅濟胃口感，內有濃郁朱古力拉絲芝士，甜度啱啱好，仲帶有微苦可可粉味，口感同味道好有層次。一口細細件，甜而不膩，份量啱啱好，朱古力控必食之選！立即購買和樂堂 - 芝士年糕 (朱古力味)