常溫貨品滿$300免運 | 冷凍貨品滿$400免運
梅酒知多少-梅酒百變口味 ︳蜜蜜開箱

梅酒知多少-梅酒百變口味 ︳蜜蜜開箱

上次小零蜜同大家講完「本格梅酒」,又指係傳統正宗梅酒,同一般梅酒唔同嘅釀造方法,今次就帶大家品嚐新一代特色梅酒。唔好諗住唔係傳統味道,就一定唔正宗,一定係cheap野呀!佢可以話係傳統同創意嘅結合,引領梅酒走上酒界尖端,成為熱潮。

 你會喜歡:梅酒知多少-本格梅酒同普通梅酒有咩分別?|潮飲潮食

圖片來源:鍋寶好食光

梅酒百變口味

 大家有冇發覺咁多種酒類,梅酒嘅口味比較多,而且配搭食物都特別容易,係因為梅酒味道偏酸甜,味道容易入口而較多人接受,而梅原本就可以同唔同食物撞出火花,所以梅酒唔同材料混合都帶出令人驚喜而又受歡迎嘅口味。

圖片來源: Yahoo!

例如梅酒加入梳打水變成氣泡梅酒喺日本居酒屋好常見;梅酒加入果汁令果味同梅香更突出(最常加入蘋果汁、梨汁等味道唔太重嘅果汁)。除咗可以自家製唔同口味外,市面上都有好多特別口味嘅梅酒,令人百飲不厭!

 即刻試下驚喜口味嘅梅酒啦!

10月買仲有85折優惠,抵呀!

Choya - 黑糖梅酒 720ml (酒精4%)

choya除咗傳統本格梅酒出名外,佢嘅黑糖本格梅酒都係人氣之選!

香醇梅酒加入濃厚黑糖同黑蘭姆酒,形成多層次嘅酸甜濃郁滋味。甜度較高令酒體飽滿厚重,但同時又感受到微微嘅酒精灼熱感。唔好甜味較濃的話建議加冰飲用,亦可加入鮮奶,或淋係蛋糕上,別有一番風味。

立即購買Choya黑糖梅酒

Choya - 宇治茶梅酒 720ml (酒精7%)

抹茶控嘅朋友點可以錯過哩款長期大熱嘅宇治茶梅酒呢?加入左京都宇治茶,並採用獨創嘅「香味冷煎」方法,抑制抹茶嘅微苦澀味,引出茶葉本身嘅清甜,令茶香同國產梅子味道完美融合,淡雅清新嘅和風味道,入喉清爽,帶有茶香尾韻。若唔好酒味較濃嘅女士,哩款宇治茶酒一定要成為喜愛之選。

立即購買Choya - 宇治茶梅酒

 

Choya - 柚子梅酒 1000ml 紙盒裝 (酒精7%)

哩個包裝第一眼見到令人眼前一亮!紙盒包裝非常特別,送禮唔止靚,因為紙盒裝,所以唔會重手,咁就唔怕好似玻璃樽咁會打爛。

佢唔止睇得,仲非常好飲,飲落好似飲果汁咁,最後帶有酒精微熱嘅口感。柚子香甜嘅清爽梅酒,天然順口,雪凍飲仲比人一種涼透心同好放鬆嘅感覺。

立即購買Choya - 柚子梅酒


SUNTORY - 山崎梅酒 750ml (酒精20%)

日本梅酒出名嘅又何止得Choya呢?哩款曾獲得金賞嘅SUNTORY山崎梅酒一樣紅遍街頭。除咗使用100%日本國產梅,令梅香突出,釀製過程都非常特別。用上釀製過威士忌嘅橡木桶黎釀製梅酒,每個木桶仲烤過30分鐘,令威士忌香氣完美融入梅酒中,並以白蘭地作為基底酒,令梅酒香氣更為濃郁同多層次,亦比一般梅酒嘅糖度減少,令酒感更輕盈清爽。

立即購買SUNTORY - 山崎梅酒