日本即沖濃湯 健康杯湯方便好飲︳蜜蜜開箱
話咁快又到12月啦，即係冬天最凍嘅日子要到啦！手震腳震嘅日子，每日都一定要飲暖笠笠嘅濃湯。凍冰冰連水都唔想掂嘅日子，梗係連湯都唔想煲啦！咁咪冇得飲熱湯？唔怕，飲日本人氣 Pokka Sapporo 即沖杯湯咪得！Pokka Sapporo 除咗果汁出名之外，佢嘅即沖湯出名香濃有口感。而且細細杯方便隨身攜帶，加熱水就即刻飲得，仲要有多種口味，例如長期熱賣粟米湯、忌廉周打蜆湯、濃郁南瓜湯等日日試唔同味都得。
你會喜歡：冬天簡單家常湯水 芳姐推介飲花膠栗子
 |
Pokka Sapporo - 蘑菇湯配酥皮脆脆有冇人同小零蜜一樣對酥皮湯情有獨鍾嘅呢？而加香港好少地方見到啦，雖然 Pokka Sapporo 呢隻外型唔似一般酥皮湯，但佢嘅香脆酥皮粒放入湯到，食落口感同酥皮湯一樣！啖啖香濃蘑菇湯加上粒粒酥皮，有口感之餘，仲令湯味更濃！ |
 |
Pokka Sapporo - 菠菜野菜湯配麵包粒冬天因為打邊爐，好大機會食多咗肉，好容易會便袐同營養唔夠，食返一杯Pokka Sapporo雜菜湯就滿足你健康所需。一杯有菠菜、蘿蔔、洋蔥、粟米等，真材實料，仲加上麵包粒增加口感，唔會得菜咁寡口。唔好睇佢細細杯，一杯已經有飽飽嘅感覺！ |
 |
Pokka Sapporo - 參雞湯味濃湯冬天係服用人參嘅好時機，具有補元氣、補脾益肺、生津養血等功效，但自己要煲出味真係要花好耐時間。Pokka Sapporo除咗有忌廉湯，仲有哩隻養身湯。飲到人參微甘苦味，加上啖啖雞油香味，飲完之後仲特別暖身又暖心。 |
 |
Pokka Sapporo - 北海道十勝奶油豆腐粒濃湯Pokka Sapporo出名香濃幼滑忌廉湯，今年新推出忌廉豆腐粒濃湯，使用十勝忌廉製造，忌廉味特別濃厚，同北海道薯仔同粟米非常搭配，薯仔仲令口感綿密，材料豐富令人飽滿。除咗就咁飲，仲可以用嚟點包食，咁就有個簡單溫暖嘅早餐或下午茶啦。 |
 |
Pokka Sapporo - 麻婆豆腐風味濃湯麵包粒麻婆豆腐都有湯?Pokka Sapporo就係可以創造各種有趣味道嘅湯。哩款因為係湯，並冇平時食嘅麻婆豆腐咁重味，鹹辣味啱啱好！而且麻辣味香濃，微辣而唔會嗆口，反而天氣凍時仲越飲越暖身。除咗有粒粒豆腐，仲有香脆麵包粒，又軟又脆，口感好豐富！ |
 |
Pokka Sapporo - 咖哩風味湯 (中辣) 罐裝邊個話飲湯唔可以當水飲咁？Pokka Sapporo 罐裝湯令你隨時隨地都飲到湯！一打開就聞到咖哩同牛油香氣，用上10種香料製成湯底，湯中仲加入烤過嘅麵包粒，好似食緊咖哩配薄餅咁，滿滿嘅異國味道。冬天倒出嚟加熱飲，加上中辣味道，飲完特別暖身。 |