長壽健腦秘密大公開｜有營零蜜

年紀愈大，覺得個腦特別「唔好洗」? 點先可以做到腦袋keep住「十八廿二」咁? 日本100歲人瑞，但腦齡竟保持30至40歲，恐怖醫學爆出沖繩長者健腦大秘密，就係經常食用香檬汁。

香檬功效多

香檬富含川陳皮素，幫助神經細胞再生，預防腦退化。亦有助去除堆積腦部嘅β類澱粉蛋白，而β類澱粉蛋白係造成阿茲海默症(又稱老年痴呆/失智症)元兇之一。

川陳皮素除左有益於腦部，研究顯示當中嘅黃酮同抗炎成分，可促進尿酸排泄，以改善關節炎同消炎抗菌，更可增加血管壁彈性，改善血管功能，穩定血壓。並具有強大抗氧化功效，其功效係維他命E嘅600倍。

圖片來源: ViuTV 恐怖醫學截圖

點樣揀好嘅香檬汁?

香港好難買到原粒香檬，台灣同日本製嘅香檬汁喺坊間相對容易搵到，但唔係每支都有好高嘅川陳皮素。購買時選擇標明使用100%綠色果實或9月果實榨汁嘅功效較佳。因為未成熟嘅綠色香檬嘅川陳皮素有200-300mg，而成熟橙色香檬只有大約120mg，多約2.5倍。而青檸結果嘅時間係9月開始，而11月就開始成熟。因此9月果實含較多川陳皮素。