抹茶控必食大集薈｜潮飲潮食
香濃茶香、微苦帶甘甜又容易入口嘅綠茶，成為多種食品嘅人氣口味，唔同食物加入綠茶嘅風味都各有特色，深得大眾喜愛。作為綠茶控當然要食盡所有綠茶味食品，即刻睇以下嘅人氣綠茶零食係咪已經試過先!
1. 日本Yuka Tiramisu杏仁朱古力抹茶味
外層係微苦上等抹茶粉，中間Tiramisu朱古力濃香細滑，裹住香脆可口高級杏仁，層次分明，完全體現到「先苦後甜」，令人一試難忘，越食越停唔到口!
2. 明治 Meltykiss 初摘濃抹茶味朱古力
超人氣日本浪漫美味Meltykiss朱古力，配上日本初摘綠茶製作，將苦澀嘅初摘綠茶味調低，配上入口即溶朱古力，每粒都湧出陣陣清香綠茶味。
3. Meiji明治 抹茶杏仁朱古力
相信大家都食過經典嘅明治杏仁朱古力，抹茶味又試過未? 而哩個獨立包裝版，更方便共享。果仁嘅香味濃度恰到好處，唔會蓋住順滑抹茶朱古力。
4. 丸多製菓 抹茶紅豆蛋糕
抹茶紅豆永遠係至佳和風配搭! 宇治抹茶蛋糕甘香清醇，口感鬆軟，上面鋪滿粒粒甜甜嘅圓大紅豆，層次口感滿分。
5. 麥之王國-抺茶味大麥蛋糕
採用100％日本產大麥及香濃抹茶，以傳統烘焙而成。簡單嘅抺茶大麥蛋糕特別可以突出到怡人清香嘅綠茶味，而且甜度適中，用來做早餐一流呀!
6. 宇治抹茶純米酒
夜半之綠係近年大氣大熱宇治抹茶米酒，清幽米酒，濃密抹茶融入香純清酒，酒體略厚但濃稠，茶香同酒香相互融合。仲有特別樽身同精緻包裝，送禮大方得體。
7. MARUSAN 頂級大豆抹茶豆乳
日本人氣MARUSAN豆乳出名清新健康，豆味特濃。加上特選日本人至愛的抹茶同時製成，清幽抹茶香，同豆乳完美結合，細緻豆乳中有回甘茶味，口感更滑更滋味。
8. AGF 濃厚抹茶拿鐵
相信好多人同小編一樣，覺得抹茶配拿鐵係完美結合! 經典日式抹茶搭配絲滑牛奶，口感醇厚濃郁不輸即沖飲品! 嚟到咁熱天，喺抹茶拿鐵加上冰或者雪糕，即刻涼透心!
9. 抹茶Collon 蛋捲
細個一定會食過Collon捲，而加佢嘅口味多種，其中抹茶味更廣受歡迎。中間嘅抹茶cream除咗有濃濃抹茶香外，仲保留奶味同奶油嘅順滑質感。一粒一粒好快就食晒!
10. ORIHIRO 抺茶味蒟蒻啫喱
平時見開都係水果味啫喱，抺茶味蒟蒻就夠晒特別。使用京都府宇治抹茶，濃厚茶香不帶苦澀，蒟蒻口感清爽零負擔。製造過程採用獨特無菌製造方法，不添加防腐劑，食得安心。