食肉黨勁推—邪惡零食之選｜潮飲潮食
見小零蜜肥嘟嘟，就知小零蜜係美食專家，仲係一個不折不扣嘅肉食大王，有冇人同小零蜜一樣係無肉不歡嘅呢? 除咗主餐要有肉之外，平時口痕食零食都中意食肉肉，小零蜜就精選咗幾款食肉黨必食零食，即刻睇下有冇自己嘅心水啦。
台灣快車肉乾--特厚爆汁
相信好多香港人去台灣旅行必定會買快車肉乾! 100%台灣豬肉，軟嫩肉感，香甜肉汁滲入每絲肉，啖啖爆汁，每次食完仲想舔埋包裝袋內嘅肉汁。而佢最受歡迎嘅系列莫過於係1cm厚嘅蜜汁/黑胡椒肉乾，啖啖厚實肉乾，挑戰味覺享受，果然係暢銷王!
圖片來源:快車肉乾
圖片:快車肉乾原味條
台灣快車肉乾—薄脆肉紙
快車肉乾人氣商品又點止肉乾，香脆肉紙同樣係銷售冠軍! 超薄肉紙，最薄僅有0.01cm，脆口無比，又不失肉香，若加入不同味道更能突出豬肉鮮味，而口感爽脆不油膩，最啱想食肉但又怕膩口嘅人。
圖片來源:快車肉乾
林真香--懷舊香脆豬肉鬆
林真香係泰國長青品牌，喺香港都人氣高企。佢嘅肉鬆個個食過都讚不絕口，但佢張肉鬆玩得出神入化。將肉鬆壓製成密實嘅肉鬆條，成為「貓屎條」，滿口肉鬆極之惹味!
圖片來源:林真香
小零蜜仲建議大家將林真香肉鬆同佢嘅脆香豬肉卷夾埋一齊食，肉香倍增，口感爆分。
圖片來源:carousell
泰國香脆好—-泰式惹味肉鬆
有冇人同小零蜜一樣中意就咁食啖啖肉鬆呢? 但有時食完因為太乾而kick住喉嚨，所以有野溝埋食就最好! 肉鬆蛋卷同肉鬆米通可以食到滿滿肉鬆之餘，仲有香脆口感，充滿古早風味，好食到停唔到口，果然係天作之合! 果然係肉鬆嘅神之物!
圖片來源:快車肉乾
華園--港式肉粒
華園係好多香港人嘅兒時味道、童年回憶。佢嘅肉粒更加係充滿港式風味，例如咖哩牛肉粒、沙爹豬肉粒、咖哩肉絲燒腸等，全由秘製配方同多種香料製成，味道突出，細細粒香脆又煙韌，用黎配酒果然一流。
圖片來源:mikoau
圖片來源:mikoau
立即購買: https://bit.ly/3cH9tbO
瘋台味—特式肉乾肉紙
薄薄香脆肉紙經常食到，瘋台味就將平凡肉紙變成特色燒卷，薄透嘅岩燒海苔，獨特醬汁融入肉片，多層次令佢特別酥脆。瘋台味嘅肉亦都與眾不同，除咗有一般甜絲絲蜜汁味之外，仲有人氣清香櫻花蝦口味、彈牙和風豬肉條，令豬肉乾加添滋味!
圖片來源:得倫食品
立即購買: https://bit.ly/35mX0pG
肉食零食千變萬化，由突出軟嫩肉感定到香脆效果都深受歡迎，配搭唔同食物仲各有風味，係時候要成為食肉黨成員，盡情發掘各種美味肉食。