香港十大懷舊零食 童年回憶返晒嚟｜潮飲潮食

零蜜細個一放學唔係做功課，都唔係補習。而係跑去小食部或者士多買零食，再衝返屋企睇《放學ICU》，食住零食睇『蔥蔥』。相信哩d都係80、90後嘅童年回憶，而加就一齊同零蜜回味當年可口零食啦～

1. 明治欣欣杯

細個餵食嘅零蜜一定會嫌佢D醬好少，最鍾意食一啖點多多醬，點到第5、6支就冇晒醬咁濟! 佢主要有士多啤梨味同朱古力味，零蜜最鍾意就係士多啤梨味，你地又鍾意邊款多d呢?

立即購買: https://bit.ly/3tJfwmx

 

2. 時興隆三支香

細個冇YAOKIN 粟米棒，但有「時興隆與你～共享昨天今天明天～」當中嘅三支香非常經典，鬆脆無比，惹味至極！因為係一包三支裝嘅關係，好似拜神會插三支香咁，所以得出「三支香」嘅名。

 

立即購買: https://bit.ly/3n8FOw9

 

3. 芝士圈

身邊總會有拎佢嚟扮戒指嘅同學(其實零蜜自己都會haha)，然後吮住手指咁食，食完隻手同條脷會橙橙嘅，仲有濃濃芝士味，食到成手芝士粉都係唔肯停口！

 

4. 媽咪麵

藍毛毛演奏會開場喇！哩個係媽咪麵，唔係平時茶記見到嘅公仔麵喔！只需用手拍碎麵條，加入調味粉再shake一shake，即刻食得！零蜜記得細個一次諗住好型咁成包就咁倒入口，點知倒到成地都係，仲成面粉，有冇人都試過呢?

 

5. 大發鱈魚香絲

細個一定通街都見到佢，橙藍色為主同上有兩條魚係經典包裝。可以一條一條食咁細味鱈魚，都有人特別鍾意一大紮咁放入口，口感滿滿!

立即購買: https://bit.ly/3dKnN4l

6. 蜜蜂糖-檸檬蜜糖

抵食又好味嘅蜜蜂糖，不論老師派糖定係新年糖果盒都會見到佢，一望包裝就知係佢。香甜蜂蜜味愈食愈濃郁。

立即購買: https://bit.ly/3sImTcF

7. 肚臍餅

又叫做花占餅。一大包經濟實惠又好味，甜甜嘅彩色糖霜放係小圓餅上，最鍾意拆開兩個食，大多數會留低比較淡味嘅餅唔食。唔知大家細個會唔會搞錯花塔餅係花占餅呢? 花塔餅外型好似花占餅，但佢係用來比營養唔吸收嘅小朋友杜蟲。

8. 戒指糖

小朋友冇真正戒指帶，帶上戒指糖就覺得自己公主咁靚。上面粒糖真係有一百多卡鑽石咁大粒，每次食佢都要成幾個鐘，有時會唔記得手上戴着戒指糖，多手摸野就好容易搞到周圍黏笠笠。

立即購買: https://bit.ly/3dBS9ps

9. 沙酸扁帶

大愛食超酸但又帶點甜嘅勁長扁帶糖! 一大卷可以分3個小息慢慢食，每次食都覺得酸味好刺激，有時食太多條脷仲會有少少痺，相信哩種感覺無可抗拒。

立即購買: https://bit.ly/3dGrTu5

10. 四洲紫菜

一大包內有好多包獨立包裝紫菜，一撕即可分享比同學仔，非常方便。原味、芥末、辣味、定較後出嘅蕃茄味都咁受歡迎。不過零蜜好容易撕開包裝時唔小心撕埋紫菜，大家又會唔會遇過咁嘅情況呢?

立即購買:  https://bit.ly/3dE6hyh

 

即睇更多懷舊零食，帶你回到童年!

立即購買: https://bit.ly/32AFZ9Q