海葡萄綠茶蒟蒻｜零蜜學廚
日本沖繩名物「海葡萄」含豐富維他命同鈣質，仲有抗氧化作用，深受當地人同香港人歡迎。而佢嘅口感似魚子咁豐富多汁，所以又叫「植物魚子醬」。
圖片來源:amazon
日本人會生食海葡萄，淋上醋醬油或做成壽司，食佢最天然嘅海水風味，但佢有濃濃咸腥味，唔係所有人都容易接受。海葡萄亦唔可以熱煮，以免破壞養分同影響口感。因此，小零蜜極力推介海葡萄蒟蒻食譜，好味有口感，最啱夏日熱辣辣來點清涼，又可保存海葡萄營養，夏日熱辣辣食冰涼蒟蒻，簡單易做又健康!
---沖繩海葡萄綠茶蒟蒻----
時間:約25分鐘
份量:約100g蒟蒻
1. 將海葡萄以凍滾水沖洗3次，洗走表面咸味，備用。**零蜜小知識: 海葡萄遇水會膨脹喔~
👈清洗前
👈清洗後
2. 將熱水、綠茶粉、蜂蜜攪拌。
3. 加入蒟蒻粉攪拌，再加入海葡萄，待冷卻。**零蜜小貼士: 使用蒟蒻粉可以在室溫待凝固，而且素食都啱食。
4. 冷卻後即可食用
如果想食到海葡萄原汁原味，可以即開即食，內附一包醋。建議食前先用食水沖洗海葡萄表面咸味。
